കൊല്ലം ജില്ലയിൽ സ്ഥിതിചെയ്യുന്ന ഒരു 'ഇ' ക്ലാസ് തീവണ്ടി നിലയമാണ് ശാസ്താംകോട്ട തീവണ്ടി നിലയം അഥവാ ശാസ്താംകോട്ട റെയിൽവേ സ്റ്റേഷൻ (കോഡ്:STKT). ദക്ഷിണ റെയിൽവേയുടെ തിരുവനന്തപുരം റെയിൽവേ ഡിവിഷനിലാണ് ഈ തീവണ്ടിനിലയം ഉൾപ്പെടുന്നത്. കൊല്ലം - കായംകുളം തീവണ്ടിപ്പാതയിൽ മൺറോത്തുരുത്തിനും കരുനാഗപ്പള്ളിക്കും മധ്യേയാണ് ശാസ്താംകോട്ട തീവണ്ടിനിലയം സ്ഥിതിചെയ്യുന്നത്. 2016-17 കാലഘട്ടത്തിൽ ഈ നിലയത്തിൽ നിന്ന് 1.2479 കോടി രൂപ വരുമാനം ലഭിച്ചിരുന്നു.